مسجد نبوی ان تین مساجد میں سے ایک ہے جن کی طرف پر سفر کرنا جائز ہے۔ یہاں پر ایک نماز دیگر مساجد کی ایک ہزار نمازوں سے افضل ہے، سوائے مسجد حرام کے۔

لہٰذا جب کوئی مسلمان مدینہ منورہ آئے تو اسے مسجد نبوی میں بکثرت نمازیں پڑھنے کا اہتمام کرنا چاہیے۔

زیارت کرنے والے میرے بھائی! جب آپ مسجد نبوی میں آئیں تو ان باتوں کا خاص خیال رکھیں:

• خوشبو لگا کر آئیں اور عمدہ لباس پہنیں

• اپنے گھر سے باوضو ہو کر نکلیں

• نماز کے لیے جلدی مسجد پہنچیں

• مسجد نبوی میں سامان نہ لائیں

مرد وخواتین کے لیے مخصوص دروازوں سے داخل ہوں

اپنے داخلے والے دروازے کا نمبر یاد رکھیں

جب آپ مسجد نبوی میں پہنچیں تو دایاں پاؤں اندر رکھتے ہوئے کہیں:

بِسْمِ الله، وَالصَّلَاةُ وَالسَّلَامُ عَلَى رَسُولِ الله، اللَّهُمَّ افْتَحْ لِي أَبْوَابَ رَحْمَتِكَ

پھر بیٹھنے سے پہلے دو رکعت تحیة المسجد پڑھیں۔

زیارت کرنے والے میرے بھائی! مسجد نبوی کی عظمت اور اس کی حرمت کا احساس رکھیں، اس کے اندر خاموشی، سکون اور ادب کو لازم پکڑیں، اپنا وقت ذکر، دعا، قرآن کی تلاوت، اور علمی دروس میں شرکت میں صرف کریں۔ نبی کریم ﷺ نے فرمایا: "جو شخص میری اس مسجد میں صرف بھلائی سیکھنے یا سکھانے کے لیے آئے، وہ اللہ کی راہ میں جہاد کرنے والے کے برابر ہے، اور جو کسی اور مقصد سے آئے وہ ایسے آدمی کی طرح ہے جو کسی دوسرے کے سامان کو دیکھنے آیا ہو"۔

زیارت کرنے والے میرے بھائی! ہمارا مقصد آپ کی خدمت ہے، لہٰذا آپ سے توقع ہے کہ:

نمازیوں کو دھکے نہ دیں

صفوں کو مکمل اور سیدھا رکھیں

راستوں میں نہ بیٹھیں اور نہ نماز پڑھیں

دروازوں یا دیواروں کو چھو کر برکت حاصل کرنے سے بچیں

دعا کرتے وقت قبلہ رخ رہیں

مسجد اور اس کی تمام سہولیات کی صفائی کا خیال رکھیں

جوتوں کو ان کی مخصوص جگہوں پر رکھیں

روضہ شریفہ میں نماز کے لیے "نسک" ایپ کے ذریعے پیشگی وقت حاصل کریں

زیارت کرنے والے میرے بھائی! مملکتِ سعودی عرب بطور مہمان عزیز آپ کا استقبال کرتی ہے، ہمیں آپ کی خدمت کر کے خوشی ہوتی ہے، اور ہم آپ کی راحت وضیافت کے لیے اعلیٰ ترین خدمات پیش کرنے کے خواہاں ہیں۔